LOUIE Z desvolopa una pop singulara dins un univèrs post-apocaliptic, onte se fondon las texturas electronicas e lo cant occitan autotunat. Entre sintetizadors modularis e produccions mai estructuradas, bastís una musica intensa e evocadoira, que mescla recèrca sonòra e repics percutents.

Dins aquel environament, LOUIE Z explòra son ligam amb la lenga occitana. Mai qu’una simpla causida lingüistic, aquela demarcha s’inscriu dins una recèrca intima e sensibla : tornar téisser un ligam amb una lenga, una memòria, un territòri. L’occitan s’i desplega coma una matèria transformada, traversada d’emocions e de texturas. Entre tròçes intimes e construccions sonòras, la lenga ven un mejan d’expression a l’encòp personal e universal, que religa passat e futur dins un meteis resson.

Novèl clip ja disponible. Ep de paréisser lo 27 de novembre.